Француските власти бараат домашен притвор за француски граѓани кои се вратиле од Ирак или Сирија

Француската Влада подготвува нови законски промени со кои француски граѓани кои се вратиле од Сирија или Ирак би биле под домашен притвор, јавија француски медиуми.

Владата сака Французите вмешани во џихадистички организации во Сирија и во Ирак да бидат под процедура за издавање „влезна виза“ ако сакаат да се вратат во Франција.

Според извори, за таков вид механизам би требало да се измени и Уставот.

Претседтаелот Франсоа Оланд изјави вчера пред парламентот дека во најкус рок ќе бидат претставени предлози за промени во Уставот за да може властите да се спротистават на тероризмот.