Француските борбени авиони го извршија првиот извидувачки лет над Сирија
Француските борбени авиони „Рафаел“ изутринава го извршиле првиот извидувачки лет над Сирија, прва ваква француска операција која досега се ограничуваше само на Ирак, јавува дописникот на МИА од Париз.
Веста за првото надлетување над Сирија, со цел да се соберат доволно елементи за евентуални бомбардирања на позициите на ИД, ја соопшти француското Министерство за одбрана.
Операцијата доаѓа помалку од 24 часа по најавата на претседателот Франсоа Оланд, што претставува стратешки пресврт.
- Од министерот за одбрана побарав уште од утре да се спроведат извидувачки летови на Сирија, што ќе дозволи да се предвидат напади против ИД, со што ќе ја зачуваме нашата самостојност за одлучување и акција, изјави вчера францускиот претседател.
Според Оланд копнена интервенција е нереална и нелогична, бидејќи не треба да се направи ништо со што ќе се зајакни или ќе се одржи на власт Башар Ел Асад, кој на крајот мора да си замине. тг/гт/17:06
Ново на Сител
-
Претрес во струмичко, пронајдена дрога, приведен дилер
-
Запален автомобилот на директорот на затворот ,,Идризово”
-
Халанд и Ортега го доближија Сити до шампионската титула
-
Најстудено на Попова Шапка, најмногу дожд во Крушево
-
Жалби до Управниот суд за изборните приговори, прва средба на работните групи на ВМРО-ДПМНЕ и Вреди
-
Во голем пожар во пристаништето Медулин уништени над 30 јахти | ВИДЕО
-
Без струја делови од Чаир и Аеродром
-
Нова рунда преговори меѓу Белград и Приштина за забраната за користење на динарот на Косово