Франција ја доби „зделката на векот“ вредна 34 милијарди евра за изградба на 12 подморници за Австралија
Француското бродоградилиште ДЦНС го доби договорот за изградба на 12 подморници од типот „Баракуда“ за Австралија, договор вреден 34 милијарди евра, пренесува дописникот на МИА од Париз.
Mинистерот за одбрана Жан-Ив ле Дриан, ја оцени како „голема победа на француската бродоградилишна индустрија“ тврдејќи дека договорот ќе создаде иладници работни места во Франција.
Тој договор вреден 34 милијарди евра, се смета за рекорден, со него ќе бидат создадени 3000 работни места во Франција и во Австралија. Имено подморниците ќе бидат градени во Аделаида, но се ќе зависи од крајот на преговорите, како и за трансферот на технологија. Претходниот рекорд беше од продадените седум подморници на Бразил за 7 милијарди евра во 2006 година.
Договорот добиен од Австралија ќе тежи многу и во идните преговори кои се водат на пример со Норвешка, за испорака на 6 подморници. Тие би биле градени во Франција, бидејќи Норвешка нема бродоградилишта.
Францускиот претседател Франсоа Оланд и министерот за одбрана Жан-Ив Ле Дриан попладнево ќе го посетат Шербур, а во текот на ноќта Оланд се огласи со соопштение за печатот во кое нагласува дека „изборот на Австралија да и ги довери на Франција изградбата на 12-те подморници е историски“.
Според Оланд, ова го одбележува и стратегиското партнерство меѓу двете земји.
Ново на Сител
-
Земјотрес регистриран во попладневните часови во Македонија
-
Почина Жика, 16-годишниот лав во скопска ЗОО
-
Уапсени четворица криумчари во Грција – наплатиле по околу 8.500 евра по мигрант за да ги пренесат од Турција до Италија
-
Реакција од Стручниот колегиум при ЈЗУ УК за респираторни заболувања кај децата-Козле
-
Неврохирургот Рендевски, претседавач на Европскиот конгрес по неврохирургија
-
ОН: Израелската армија го „отсече“ северниот дел на Газа од остатокот од Газа
-
Четири општини најавија поддршка од сите аспекти за Здружението на граѓани Албанска академија на науките и уметност
-
Кривична за 49-годишник поради сомнение за кражба на електрична енергија