Форин Офисот потврди за уапсени Британци, шверцери на оружје, во Грција
Британскиот Форин Офис потврди дека три лица, од кои двајца британски државјани, а третиот жител на Велика Британија, се уапсени во Грција, за илегален шверц на оружје и муниција.
Според наодите на грчката полиција, станува збор за припадници на криминална банда кои се обиделе преку грчка територија да префрлат во Турција 22 парчиња огнено оружје и десетици илјади куршуми.
Идентитетот на уапсените не се открива, но се вели дека барем еден од Британците има курдско потекло од Ирак.
Сите тројца побарале на судското сослушување, закажано за во вторник, да зборуваат на курдски јазик.
Оружјето и муницијата биле најдени во автомобилот и приколката што ја влечеле со себе, но претставник на полицијата изјавил за британските медиуми дека најденото оружје не се борбени пушки, туку дека станува збор за оружје кое единствено може да се употреби за обука.
Инцидентот се случил на влезот во пристаништето во грчкиот пограничен град Александрополис, на крајнот исток од Грција.
Британските медиуми јавуваат и за уште еден таков инцидент, во близината на граничниот премин на грчко-турската граница, кога во караван-возило (трејлер) со германски регистарски таблички, грчката полиција открила четири пиштоли од марката „Валтер“, многу муниција, осум двогледи за ноќно набљудување и пари во различни валути.
Турски лири и ирачки динари се откриени и кај тројцата уапсени од Британија.
Ново на Сител
-
Fast Food 7 - принцип за постојан квалитет | Билјана З. Попова | Бизнис приказни | Sitel Podcast 030
-
Пронајдена неексплодирана експлозивна направа во Битола
-
Разбојникот кој ограби казино со автоматско пушка е полицаец
-
Демири: Ако Клиниката за токсикологија не била осигурена, менаџментот треба да преземе одговорност
-
До 30 април на полноќ пријавување на болните и изнемоштените за гласање на изборите на 8 мај
-
Гевгеличанка лажела дека е царински застапник и измамила Грк за 2.000 евра
-
Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата
-
Пет клучни донатори вложија повеќе од 50 милиони долари во претседателската кампања на Трамп