Фолксваген ја одложи одлуката за изградба на фабрика во Турција
Автомобилскиот концерн Фолксваген ја одложи одлуката за изградба на фабрика во Турција, во момент кога Анката спроведува операција во Сирија, јави весникот „Ханделсблат“, повикувајќи се на свои извори.
Компанијата преговара со турската страна за изградба на фабрика во близина на Измир. Сепак, откако Турција почна офанзива во Сирија, раководството на Фолксваген не брза да го потпише договорот, пишува весникот.
– На целата ситуација гледаме со голема претпазливост, изјави претставник на Фолксваген за „Ханделсблат“.
На 9 октомври турскиот претседател Реџеп Таип Ердоган го објави почетокот на операцијата „Извор на мирот“ во северна Сирија против Курдската работничка партија и терористичката група Исламска држава.
Во новата фабрика во Маниса, во близина на пристаништето во Измир, планирано е да се произведуваат новите модели „Пасат“ и „Шкода Суперб“. Фолксваген ќе инвестира една милијарда евра во погонот. Планирани се 4.000 работници, а по 2022 година фабриката треба да произведува 300.000 возила годишно. За таа цел, Фолксваген регистрираше подружница во Маниса со капитал од 150 милиони евра.
Ново на Сител
-
Во БиХ уапсени три лица кои барале пари за информација за исчезнатото девојче во Србија
-
Продолжуваат предизборните коалицирања
-
Марш на трансродовите лица
-
Во Собранието седница на Комисијата за одбрана и безбедност
-
Најмалку 38 лица загинаа во израелските напади врз сирискиот град Алепо
-
Над 20 луѓе повредени во сообраќајна несреќа во Германија
-
Мериленд доби помош од 60 милиони долари по уривањето на мостот во Балтимор
-
Сончево и топло со мала локална облачност