Финска по четврти пат светски шампион во хокеј на мраз

Репрезентацијата на Финска го освои домашниот светски шампионат во хокеј на мраз. Во финалето во Тампере, Финците вечерва извојуваа победа над Канада со 4:3 по продолжение.

Канада го отвори резултатот во првиот период со голот на Дилан Козенс. Втората третина помина без погодоци, а во третиот период Финците направија прсврт со три постигнати гола. Двоен стрелец беше Микаел Гранлунд, уште еден гол постигна Џоел Арми. Сепак, Канаѓаните успеаја да се спасат од пораз во последните минути и го однесоа натпреварот во продолжение. Головите ги постигнаа дефанзивецот Зак Вајтклауд и Макс Комтуа.

Во продолжението, Финците повторно искористија играч повеќе. Победничкиот гол го постигна Салават Сакари Манинен.

Да напоменеме дека Финска и Канада трет пат по ред играа во финалето на Светското првенство. Севкупно, Финците го освојуваат Светското првенство по четврти пат во својата историја.