Филмски фестивал на тркала во Неготино

Во насока на збогатување на понудата со кулурни настани за време на летните денови во Неготино,  од денеска до четврток секоја вечер на бината во центарот на градот  ќе се прикажуваат филмови.

Како што информира Мирјана Јованова, директор на Центарот за култура „Ацо Ѓорчев” во Неготино, настанот е во рамки на проектот „Фестивал на тркала 2016” кој се реализира низ целата држава. 

- Целта е проширување на спектарот на квалитетни и разновидни културни содржини. Вкупно четири филма ќе бидат прикажани во термините од 20:30 часот, соопшти директорката.

Филмските вечери во Неготино се во организација на продукциската  куќа „Катавеј” од Скопје и неготинскиот културен центар.

На програмата се еден анимиран и три играни филмови од европската кинематографија.