Филипче: Полициски час и карантин нема да има ефект за новогодишните празници
Во денешното гостување во „Магазин“ министерот за здравство Венко Филипче потенцираше дека за време на новогодишните и божиќните празници граѓаните мора да внимаваат бидејќи собирите се голем ризик и можат да предизвикаат мини кластери. Филипче најави дека на некој од следните состаноци на Комисијата за заразни болести ќе се дискутира за работното време на угостителските објекти за време на празниците.
„Сакам да упатам една порака до граѓаните, дека ова е еден голем ризик. Собирите за време на новогодишните празници се огромен ризик да се појават мини кластери кои дополнително ќе го оптеретат здравствениот систем. Ние предложивме да има дополнителни мерки и на некој од следните состаноци на Комисијата за заразни болести ќе дискутираме за работно време на угостителските објекти“, вели Филипче.
Во однос на карантин и полициски час за време на празниците Филипче смета дека нема да има потреба бидејќи донесените мерки добро функционираат и веќе има намалување на факторот на преносливост и бројот на пациенти низ болниците.
„Мислам дека полициски час и карантин нема да има ефект за време на новогодишните празници, затоа што веќе имаме добро димензионирани мерки кои доколку се почитуваат ќе дадат ефект, и впрочем тоа се гледа. Ние веќе имаме намалување на факторот на преносливост и бројот на пациенти низ болниците во однос на тоа што беше на почетокот и првата половина на ноември. Но работното време на места на кои што може да се собираат луѓе, за тоа ќе се дискутира на состаноците“, потенцира Филипче.
Ново на Сител
-
Силјановска Давкова: Војната во Украина не е украински, туку европски и светски проблем
-
Ново поскапување на лебот ако се зголеми цената на струјата
-
Дали само итни пациенти се снимале на Институтот за радиологија поради технички проблем во петокот?
-
Детектор: Интернетот и социјалните мрежи штетно влијаат врз децата
-
Никако да се стави крај на нелојалната конкуренција
-
Стандардот, лошото здравство и образование и партизација, основни причини за иселувањето
-
Тема на денот со Елмедин Конаковиќ, Министер за надворешни работи на БиХ
-
Да се симнат табуата и мажите почесто да прават лекарски прегледи