Фијон привремено се повлекува од политиката

Поранешниот републикански кандидат на претседателските избори во Франција, Франсоа Фијон одлучи привремено да се повлече од политиката.

- Сега планирам да се дистанцирам и да согледам се што се случувало, истакна Фијон, додавајќи оти не планира да учествува и во изборите за Националното собрание, што треба да се одржат во јуни.

Фијом ги повика Французите при гласањето на седми мај „да се раководат од здравиот разум“.

- Програмата на Националниот фронт во економската сферта неизбежно ќе ја уништи Франција, посочи Фијон.

Тој во првиот круг од претседателските избори одржани на 23 април беше на трето место, по лидерот на движењето Напред, Емануел Макрон и лидерката на Националниот фронт Марин ле Пен.