Феликс го освои 9. мундијалски медал

Американката Алисон Феликс го освои златниот медал на трката на 400 метри на Светското првенство во Пекинг. Феликс го освои првиот златен медал во оваа дисциплина, а вкупно деветти на светските првенства, со што стана рекордерка на САД.

 

Феликс во финалето патеката од 400 метри ја претрча со време од 49,26 секунди, оставајќи ги зад себе конкурентките, Шауне Милер од Бахамите (49,67) и Шерика Џексон од Јамајка (49,99).

 

На стадионот „Птичје гнездо“ во Пекинг, Феликс стана првата жена која ги освојувала светските титули на 200 и 400 метри. Американката трипати во кариерата била светска првенка на 200 метри, има еден златен медал од Олимписките игри, а останатите медали ги освојувала во штафетните трки.