Федерика Могерини е против секоја несоодветна реакција на Блискиот исток

Високата претставничка на ЕУ за надворешна политика и безбедност Федерика Могерини изјави дека е против секое неодговорно и непотребно дејствие на Блискиот исток.

- Разговарав со израелскиот премиер Бенјамин Нетанјаху и со палестинскиот лидер Махмуд Абас за ескалација на насилството. Треба да се стави крај на терористичките актови и да се избегнуваат непотребните дејствија, напиша Могерини на Твитер пред денешната средба на министрите за надворешни работи од ЕУ.

Еден Палестинец вчера беше убиен од израелската армија на Западниот Брег. При воздушен напад во Газа загинаа бремена Палестинка и нејзината ќерка, а при напад со нож еден Арап повредил четири лица во Израел.