Фазлиу ја презеде функцијата министер за локална самоуправа
Новиот министер за локална самоуправа, Сухејл Фазлиу денеска ја презеде функцијата од својата претходничка, досегашната министерка Ширет Елези.
На средбата, како што соопшти Министерството за локална самоуправа, Елези на министерот Фазлиу му посакала многу успех во извршувањето на функцијата.
Министерот Фазлиу најавил дека Министерството за локална самоуправа во наредниот период со изразена динамика ќе работи на имплементирање на владините политики во оваа сфера, пред се на рамномерниот развој на општините и на регионите, затоа што, истакнал, приоритет на оваа Влада е интегрирано општество и квалитетен живот за сите граѓани без поделби по ниту една основа.
- Министерот Фазлиу нагласи дека ќе работи на развојот на локалната демократија, како главен предуслов за вклучување на сите граѓани во креирањето на одлуките на локално ниво и градење на чувство на еднаквост и заеднички пристап во решавање на сите значајни прашања, се вели во соопштението.
Ново на Сител
-
Мицкоски: Стана пракса амбасадорите да се мешаат во внатрешните работи на државата
-
Мицкоски: Ќе бара ли Софија Бугари и во албанскиот Устав
-
Маричиќ, Шаќири и Бајрами ќе добијат апанажа
-
Поранешно „Македонија пат“ во катастрофална состојба: Изгорело возило вредно 200.000 евра
-
Скапите акцелератори набавени пред една деценија се уште не се во функција на пациентите
-
Барањето за 450 евра минималец на првата седница на економско-социјалниот совет
-
Приватните превозници ќе возат до 11 часот, додека ЈСП им префрли пари за гориво
-
Преглед на вестите од светот