Фараж: Јас ја уништив екстремната десница во Велкика Британија

Еден од водечките заговорници на Брегзит, Најџел Фараж, кој неодамна го најави напуштањето на политиката, изјави дека благодарение на него е уништена екстремната десница во Велика Британија.

Во интервју за телевизијата „Раша Тудеј“ тој негираше дека кампањата за Брегзит придонела за растечки тензии во земјата.

-Дали се чувствувам одговорен за тоа што луѓето зборуваат екстремни работи? Напротив. Па јас самиот ја уништив десницата во британската политика, а тоа не е така лошо, рече лидерот во заминување на евроскептичната партија Укип.

Фараж потсети дека во земјата постоеше екстремно десничарска партија БНП, која беше против Евреите, црнците...

-Јас на нивните избирачи им кажав дека доколку од протест гласаат за оваа партија тоа да него прават, да дојдат и да гласаат за мене. Јас не бев против никого, јас само сакав Британците да ги ставам на прво место, рече Фараж.

Тој не сака да се врати во политиката, ниту да се меша во работата на својата партија.

-Јас сум пензиониран лидер на партија. На оваа партија и дадов 25 години и тоа е доста, рече Фараж.