Факултетите ќе ги презентираат програмите во скопските средни училишта
Од 15 март до 1 април факултетите ќе имаат можност да ја презентираат својата програма во средните училишта пред матурантите, информираше денеска на прес-конференција градоначалникот на Град Скопје, Петре Шилегов.
- Можноста што им ја нудиме на средношколците е преку непосредни разговори и контакти да добијат информации и одговори за да го направат својот вистински избор за професионалниот развој, истакна Шилегов.
Според него, досегашните искуства покажале дека голем број матуранти не можат да одлучат во која дејност сакаат да се профилираат, а тоа го имаа досега само преку посета на саемите и медиумските промоции што ги организираат универзитетите и факултетите. Но, тоа, додаде Шилегов, не е доволно да се направи дистинкција меѓу изборот и можностите.
- Дополнителна предност на Отворените денови на училиштата е фактот што учениците ќе пропуштат помалку наставни часови и ќе се овозможи непречено одвивање на наставата, рече Шилегов и додаде дека заложба на Градот е преку Отворените денови да се воспостави пракса на организирана непосредна соработка со универзитетите за прашања кои се во заеднички интерес.
Шилегов потенцира дека тенденција на локалната самоуправа е образовниот систем да продуцира кадри чии професии ќе придонесат за напредок во општеството и уште поголем развој на вредносниот систем во Македонија.
Ново на Сител
-
Лабуристите победија на изборите во Велика Британија - Кир Стармер ќе биде новиот премиер
-
Сончево и топло, до 34 степени
-
На „Табановце“ и „Богородица“ за влез и излез од земјава се чека по околу 40 минути
-
ЦУК: Конститутивна седница на Управувачкиот комитет за координација
-
Кривична пријава за 16-годишник од Крива Паланка, украл автомобил од сограѓанин
-
Тешко повредени мајка и ќерка од Гостивар откако врз нив паднала порта
-
Ужас во Скопје: Го киднапирале и го натерале да се самозапали
-
Оливер Миланов ја презеде функцијата директор на Агенција за храна и ветеринарство