-->
-->
Еврокуп: Гран Канарија го совлада МЗТ Скопје
-->
Кошаркарите на МЗТ Скопје Аеродром претрпеа пораз (75:98) на домашен терен во рамките на 5. коло од А групата од Еврокупот. Поуспешни беа кошаркарите на Гран Канарија, кои ја остварија четвртата победа, додека МЗТ Скопје и натаму е без триумф.
Резултат по четвртини: 17:24; 16:27; 22:18 и 20:29.
Гостите од Шпанија подобро го „отворија“ натпреварот и веднаш наметнаа своја игра и имаа контрола над резултатот. На крајот од првиот дел беше 51:33 за Гран Канарија. Избраниците на Александар Јончевски во третиот период успеаја да ја намалат разликата и во 28.минута намалија на 53:63, но шпанскиот тим набрзина направи серија од 6-0 и повторно ја зголеми предноста. Кон средината на последниот период Гран Канарија поведе и со 22 поени разлика (85:63), а во последната минута ги имаше и највисоките 97:72.
Најефикасен на натпреварот беше Џош Смит од МЗТ Скопје со 22 поена и 11 скокови.
Американците со македонски пасоши кои настапуваат во Гран Канарија Лестер Бо Мекејлеб и Ричард Хендрикс дуелот го завршија со 6 поени и 4 асистенции (Мекејлеб) односно 3 поени (Хендрикс).
На полувреме од натпреварот на членовите на екипата на МЗТ Скопје која пред 20 години успеа да го совлада Реал Мадрид им беа врачени пригодни подароци.
На вториот натпревар од групата одигран вечерва Цедевита – Нижни Новгород 92:77, додека во ова коло слободна беше екипата на Лиеткабелис.
Табела: Гран Канарија 8 бодови, Нижни Новгород 6, Лиеткабелис 6, Цедевита 6, МЗТ Скопје 4.
-->
-->
-->
Ново на Сител
-
Априлската инфлација во Албанија 2,1 отсто и понатаму најниска во регионот
-
Српско МВР: Се утврдуваат фактите и околностите под кои во полицијата починал Д.Д. осомничен за случајот со Данка И.
-
Гордана Сиљановска Давкова го доби Уверението од ДИК за претседател на државата
-
ЦУК: На 112 изминатото деноноќие 1951 повик, меѓу кои и за спасување жена падната покрај пат
-
САД испраќаат нов пакет воена помош за Украина вреден 400 милиони долари
-
Извозот на компаниите од ТИРЗ во април 300 милиони евра
-
Гордана Сиљановска Давкова и официјално претседател на државата, ДИК објави конечност на изборните резултати
-
Партијата на пензионери ја честита изборната победа на Коалицијата „Твоја Македонија“