Евробаскет 2017: Србија се избори за финале
Кошаркарската репрезентација на Србија е вториот финалист на Евробаскет 2017 откако синоќа во второто полуфинале ја совлада Русија со 87:79 (25:20; 23:14; 18:23 и 21:22). Србија во неделното финале ќе игра против Словенија која во четвртокот ја победи Шпанија со 92:72. Ова за селекцијата на Србија е прво финале по 2009 година кога го освоија второто место.
Селекцијата на Србија победата ја обезбеди во вториот период кога со добра одбрана противникот постигна само 14 поени и во тој период Србија за првпат имаше и двоцифрено водство. Во вториот дел победникот имаше највисока предност од 16 поени во неколку наварти, а Русија во последниот период успеа да ја намали разликата и на два поена, но немаше сили за пресврт.
Во клучните моменти од завршницата решавачките поени за Србија ги постигна Бојан Богдановиќ, кој дуелот го заврши со 24 поени, додека Бобан Марјановиќ имаше 18 поени. Најпрецизен на дуелот беше Алексеј Швед од Русија со 33 поени.
Денеска на шампионатот е слободен ден, а во недела од 16 часот се игра дуелот за третото место Шпанија - Русија, и од 20:30 часот е финалето Словенија - Србија.
Ново на Сител
-
Симовски: Имаше јаки притисоци на Бугарија пред пописот во Албанија
-
МВР: Претреси на три локации во село Гајре, едно лице задржано на информативен разговор за убистото во Тетово
-
Борел: Орбан ја претставува само Унгарија, а не и ЕУ, на самитот на туркофонските земји во Азербејџан
-
Вулканот Етна исфрли лава и облак од пепел и чад висок околу пет километри
-
Демонстрации во Барселона против прекумерниот туризам
-
Жестоки борби во источна Украина, Русите напаѓаат се повеќе локации во Доњецк
-
Претседателот на Владата Мицкоски ќе ја предводи македонската делегација на Самитот на НАТО
-
ЦУК: Сите 18 пожари на отворено се изгаснати и од нив активни утрово нема