Еве каква е состојбата околу Собранието

Сообраќајниците околу Собранието на Република Македонија кои по завчерашните нереди беа блокирани од полицијата, изутринава се отворени за сообраќај. Околу собраниската зградата и натаму има засилено полициско присуство.

Во инцидентите што се случија во четвртокот вечерта откако група граѓани влегоа во Собранието по постапката што ја спроведоа СДСМ и албанските партии за избор на Талат Џафери за претседател на Собранието, како што информира МВР, беа повредени 109 лица, од кои 83 побарале лекарска помош во државните клиники.

Полицијата за настаните  во и околу законодавниот дом привела осум лица, а е обезбеден и видео материјал од Собранието со цел идентификација на лицата кои предизвикуваа нереди и насилства.