Еве како природно дома да ја запрете забоболката
Забоболката знае да донесе многу нервози и ретко кој може да ја поднесе.
Заболените заби болат кога се смеете или муртите, кога јадете или пиете, кога ја мрдате главата во било кој правец, а понекогаш болат и кога дишете, бидејќи во устата влегува ладен воздух и поминува преку болниот заб.
Единствен кој може да ја дознае причината за болката е вашиот стоматолог. Но, некогаш ви треба итно да ја запрете болката, а немате можност да го посетите стоматологот.
Кокосово масло
Потребна ви е една кафена лажица каранфилче во прав и исто толку кокосово масло. Измешајте ги состојките додека не се соедини смесата. Смесата можете да ја ставите во мала стаклена тегла и да ја чувате во фрижидер. Земете мала количина со помош на стапчиња за уши и ставете ја на болниот заб. По 2 минути ќе почувствувате олеснување, бидејќи каранфилчето содржи силен аналгетик, а кокосовото масло има антибактериско дејство.
Жалфија
Сварете чај од жалфија, оставете го 10 минути да се излади и исперете ја устата со него. Обидете се да го задржите растворот што подолго во устата.
Прополис
Земете малку прополис и ставете го на болното место.
Лук
Ставете мало чешне лук помеѓу непцето и внатрешноста на образот, покрај заболениот заб. Болката брзо ќе исчезне.
Масажа со рака
Земете коцка лед и масирајте со делот помеѓу палецот и показалецот, со раката од спротивната страна на страната на која ве боли забот. Доволно е 5-7 минути.
Масирајте го увото
Со показалецот и средниот прст масирајте го крајот на увото од страната каде што ве боли забот. Масажата треба да трае околу 7 минути. Сепак, сите овие решенија се само привремени, па веднаш штом ќе бидете во можност, посетете го вашиот стоматолог.
Ново на Сител
-
Одбележана 80-годишнината на Стопанска банка - темелот на домашната економија
-
Уапсени две лица кои сакале да крадат од зградата во Чаир која гореше вчера
-
Шолц: Никогаш не ги заборавајте негативните аспекти на обединувањето на Германија
-
ЕК бара информации од Јутјуб, Снепчет и ТикТок за начинот на препорачување содржини на корисниците
-
Лејди Гага и Мајкл Полански планираат „скромна“ свадба
-
Прилеп - Градско и Ранковце - Крива Паланка готови до Нова година
-
Николоски: Поголемиот дел од автопатот Охрид - Кичево во функција до лето
-
Таравари: Утре првични информации за починатата родилка во Куманово