Ева ја роди Ена, познатата македонска пејачка на свет донесе девојче

Поп-пејачката Ева Нединковска-Петрова се породи завчера (1 ноември) и на свет ја донесе својата ќерка Ена. Ова е прва принова за Ева и нејзиниот сопруг Јурак. 

„Вчера на свет дојде Ена, божјо ангелче на радоста и љубовта, што го обои нашиот свет октави повисоко и ни ја додели најважната улога и привилегија, да се биде родител. Чувството кога ќе создадеш и го видиш своето создание е возвишено. Најмила наша, биди здрава, благословена, сакана и среќна и нека светот ти донесе многу радост, а и ти нему!“, напиша Ева на својот профил на „Фејсбук“.