ЕУРО 2016: Велс се пласира во 1/4-финалето (ФОТО)

Репрезентацијата на Велс е вториот патник во 1/4 финалето на ЕП во Франција.

Велшаните со 1:0 ја победија селекцијата на Северна Ирска и обезбедија место меѓу осумте најдобри на првенството.

Клучниот момент на натпреварот кој се играше на „Паркот на принцовите’’ во Париз, се случи во 75-минута кога по уфрлањето на герет Бејл од левата страна, герет МекАули си постигна автогол.

Велс и се приклучи на Полска во четвртфиналето, а кој ќе биде противник на оваа островска селекција ќе дознаеме утревечер откако својот осминафинален меч во Тулиз ќе го одиграат Унгарија и Белгија .

Полска пак уште вечерва ќе го дознае противникот во 1/4 финалето, а тоа ќе биде подобриот од дуелот Хрватска - Португалија кој ќе започне од 21 часот.

Во останатите осминафинални натпревари кои ќе се играат утре и задутре ќе се сретнат:

Недела (26 јуни)

Франција – Р. Ирска (15 часот, Лион)

Германија – Словачка (18 часот, Лил)

Унгарија – Белгија (21 часот, Тулуз)

Понеделник (27 јуни)

Италија – Шпанија (18 часот, Париз)

Англија – Исланд (21 часот, Ница)