ЕУ ќе ги продолжи санкциите против 146 граѓани на Русија и на Украина и на 37 организации

Европската Унија ќе ги продолжи санкциите, наметнати врз 146 граѓани на Русија и на самопрогласените републики во источна Украина, како и против 37 организации, пренесе ТАСС,повикувајќи се на европски дипломатски извор од Братислава.

Рокот на дејството на санкциите истекува на 15 септември. 

-Се очекува постојаните претставници на земјите членки (КОРЕПЕР) во Брисел идната недела да решат за продолжување на санкциите, изјави изворот.

Словачка е ротирачки претседател на ЕУ во овие шест месеци.

Во словачката престолнина утре и во сабота ќе се одржи неофицијална средба на министрите за надворешни работи на земјите членки на ЕУ.