ЕУ го поддржува договорот со Иран

Европските земји ќе сторат сé што можат за да го сочуваат договорот за ограничување на иранската нуклеарна програма, и покрај сомневањата на американскиот претседател Доналд Трамп, соопшти денеска Европската унија.

- Ова не е билатерален, туку мултилатерален договор. Како Европејци, ќе сториме сé за да се осигураме дека тој ќе остане на сила, изјави Хелга Шмид, генерален секретар на Службата за надворешни работи на ЕУ, на иранската инвестициска конференција, а по повод договорот меѓу Иран и шест светски сили (САД, Франција, Германија, Велика Британија, Русија и Кина).

Трамп деновиве преиспитува, дали овој нуклеарен договор е во служба на американските безбедносни интереси, а на 15 октомври треба да го информира Конгресот дали Техеран ги исполнува своите обврски според договорот.