Ердоган: Турција испрати војници во Ирак на барање на Багдад

Турскиот претседател Реџеп Тајип Ердоган синоќа изјави дека Турција ги испратила своите војници во Ирак на барање на ирачкиот премиер Хајдер ал Абади. 

- Единици на (турската) армија се наоѓаат во воената база во Башика на барање на Абади од 2014 година, нагласи Ердоган.

Изјавата на Ердоган претставува реакција на барањето на Абади, Турција да ги повлече своите војници од територијата на Ирак.

Турскиот претседател при тоа ги обвини Ирак и Иран дека се одговорни за поттикнување на верските поделби во Сирија.