Ердоган се заканува: Ќе ги пуштам терористите назад во Европа
Турскиот претседател Реџеп Тајип Ердоган ја предупреди ЕУ дека неговата држава би можела да ги ослободи припадниците на терористичката група Исламска држава и да ги испрати назад во Европа.
– Треба да го ревидирате својот став кон Турција, која држи в затвор многу членови на ИД и ги контролира во Сирија, истакна Ердоган.
ЕУ вчера претстави систем според кој ќе се воведуваат санкции против Турција поради недозволеното дупчење во водите на Средозменото Море во близина на Кипар за експлоатација на гас.
Тој, исто така, не ја исклучува можноста Турција „еден ден“ да ги прекине преговорите за членство во ЕУ.
– ЕУ применува санкции против нас од 1959 година. Тие секогаш нè лажеа со ветувања дека ќе нè прифатат. Но, ветувањата не се исполнети. Треба да знаете дека денес Турција е земја која седи со вас на преговарачка маса, но ние не сме врзани за таа маса. Преговорите можат еден ден да завршат, рече турскиот претседател.
Ердоган, исто така, нагласи дека за време на утрешната средба во Белата куќа ќе му се пожали на американскиот претседател Доналд Трамп дека САД не го ислолниле договорот од минатиот месец за повлекување на курдските Сили за заштита на народот од реонот во близина на границата со Турција.
Веднаш по враќањето од САД, Ердоган планира телефонски да разговара и со рускиот претседател Владимир Путин во врска со обврските од договорот од Сочи за расчистување на територијата во североисточниот дел на Сирија од терористи.
Ново на Сител
-
Владата донесе одлука со која цената на осигурувањето од автоодговорност се враќа на ниво од пред 25 април
-
Фитнесот почна како мода но полека стана здрава навика | Стефанија Бубало | Јанг стори | Sitel Podcast 032
-
ДИК донесе заклучок за конечност на резултатите од првиот круг на претседателските избори
-
Бискупот Стојанов упати Велигденска честитка до Архиепископот г.г. Стефан и верниците
-
Пронајдено тело на починат маж во Вардар во Велес
-
Благодатниот оган и оваа година од Ерусалим ќе пристигне во Грција
-
Зеленски: Русија во април употреби 300 ракети, 300 дронови и 3.200 касетни бомби во нападите врз Украина
-
ДСЗИ најави забрана на Клиниката за токсикологија за здравствени работници без договори за вработување