Ердоган го отфрли извинувањето од НАТО за инцидентот на воената вежба во Норвешка
Турскиот претседател Реџеп Таип Ердоган денеска го отфрли извинувањето од НАТО, отакако на воена вежба на Алијансата во Норвешка, тој и Мустафа Кемал Ататурк на мапа биле прикажани како непријатели.
Ердоган истакна дека такво омаловажувачко однесување не може да се прости толку лесно.
- Вие гледате омаловажувачко однесување за време на вчерашната воена вежба на НАТО. Има некои грешки кои ги прават не глупаци, туку само подли луѓе, изјави Ердоган во говор кој бил во живо емитуван на турските телевизии.
- Тоа прашање не може да се затвори само со просто извинување, рече турскиот претседател.
Турција ги повлече своите војници од воената вежба на НАТО во Норвешка поради инцидентот.
- Тоа беше вежба на НАТО и ние испративме 40 војници, кои решивме да ги повлечеме, рече по тој повод Ердоган, додавајќи дека нивните имиња биле отстранети од листата на непријатели, но, сепак, тие не сакаат да имаат војници во таа вежба.
Генералниот секретар на НАТО Јенс Столтенберг и се извини на Турција за инцидентот. Според него, инцидентот во кој Ердоган и Ататурк биле идентификувани како непријатели е резултат на активностите на една личност и не ги одразуваат официјалните ставови на НАТО. Личноста што го предизвикала инцидентот е дисциплинирана од страна на норвешките власти, додаде Столтенберг.
Ново на Сител
-
Страотна сообраќајка кај скопско Влае - тројца повредени
-
ДИК: Гласаат болни и изнемоштени лица, затвореници и дијаспора
-
Избори во Идризово, гласаат близу 900 затвореници
-
Во Штип гласаат болни и изнемоштени, излезноста со ист процент како и во првиот изборен круг
-
МВР подготвено за избори
-
ЕУ одблизу го следи изборниот процес, очекува идната Влада да биде посветена на европскиот пат
-
Растат трошоците за живот
-
Ангелоски: Замислете какво е чувството да платите, а веќе утредента да не важат повисоките цени