ЕП Хрватска: Скандинавската „драма“ за Шведска

Ракометарите на Шведска по две продолженија по 5 минути обезбедија пласман во финалето од Европското првенство во ракомет кое што се игра во Хрватска, совладувајќи ја Данска со 35:34.

Швеѓаните го контролираа резултатот во текот на целиот натпревар, водејќи со 16:14 на полувремето.

Данска се доближи кон крајот на натпреварот, а резултатот по истекот на 60те минути беше 28:28. Данците изедначувачкиот гол го постигнаа во последната секунда од мечот.

Во продолженијата, Швеѓаните повторно започнаа подобро и по првите 5 минути имаа предност од 1 разлика, која што ја задржаа до самиот крај.

Шведска во недела во големото финале ќе игра против Шпанија, додека Франција и Данска ќе ги одмерат силите во натпреварот за 3. место.