EП 2016: Селекторот на Русија најави оставка

Леонид Слутцки најави дека ја напушта фудбалската селекција на Русија која разочара на Европското првенство во Франција. Русите во Б групата, во конкуренција на Велс, Англија и Словачка го освоија последното место со само еден освоен бод.

 

„Сакам да им се извинам на навивачите, особено за овој меч. Тие кои навиваа за нас не го заслужија ова. Јас сум виновен, кога тимот игра вака виновен е тренерот“, рекол Слутцки по поразот на Русија од Велс (0-3).

 

Тренерот на ЦСКА Москва репрезентацијата на Русија ја презеде на средина од квалификациите и од тим кој беше отпишан со четири победи избори пласман во Франција.

 

„По овој турнир е потребен друг човек кој ќе го подготви тимот за наредното големо натпреварување, кое е клучно за нашата земја. Јас се трудев онолку колку што можев, но тоа не беше доволно“, дополнил Слутцки.

 

На новинарско прашање, дали причина за лошата игра на Русија е преголемиот број на странски играчки кои настапуваат во домашната Премиерлига, Слуцки одговорил: „Јас го мислам спротивното“.