Енди Мареј нема да настапи на Австралија Опен
Шкотскиот тенисер Енди Мареј, кој е позитивен на коронавирус, соопшти денеска дека нема да настапи на претстојниот Австралија Опен, откако не успеал да постигне договор со организаторите околу карантинот за време на кој би му било дозволено да тренира.
Петкратниот финалист на Австралија Опен требаше да оттатува за Мелбурн минатата недела, но тоа не му беше дозволено, откако тестирањето покажа дека е заразен со коронавирус.
Шкотскиот тенисер сега е во изолација, а во Австралија би можел да допатува дури по негативен тест на Ковид-19, по што би морал во задолжителен двонеделен карантин пред турнирот што започнува на 8 февруари.
-Бевме во постојан контакт со Австралискиот тениски сојуз со цел да изнајдеме решение што ќе ми овозможеше некој вид на работен карантин, но не успеавме. Им благодарам на сите за вложениот труд. Разочаран сум поради тоа што нема да играм на Австралија Опен. Тие се земјата и турнирот кои ги сакам“, изјави Мареј.
Ново на Сител
-
14-годишник ненадејно починал во битолско, му се слошило додека бил на роденден
-
Галант го информира Блинкен за операцијата во Рафа
-
УКИМ повторно рангиран на 1.990 место од 2.000 најдобри универзитети во светот
-
Претседателката ќе се придржува до официјалната примена на уставното име, во јавни настапи има лично право на самоопределување, велат од кабинетот на Силјановска Давкова
-
Стано: ЕУ очекува новите власти на Северна Македонија да продолжат со успешниот пристапен пат
-
Еруптираше вулканот Ибу во Индонезија
-
Тројца уапсени во Велика Британија поради соработка со разузнавачката служба на Хонг Конг
-
Во Косово досега попишани над 1,42 милиони лица, дел од Србите „се двоумат“