ЕЛЕМ со донации за кичевски првачиња

По повод првиот училишен ден, заменик генералниот директор на ЕЛЕМ, Фатмир Лимани, придружуван од директорот на РЕК „Осломеј”, Ќерим Халили денеска ги посетија основните училишта на општините Кичево и Пласница.

Тие им подарија училишен прибор како донација за првачињата од овие две општини.

-Ние како компанија секогаш сме помогнале онаму каде што сме сметале дека е најпотребно, и денеска сме тука да помогнеме со училишен прибор на они кои најмногу се радуваат на првиот училиштен ден, а тоа се првачињата, рече заменик генералниот директор на ЕЛЕМ, Фатмир Лимани, по доделувањето на донациите за учениците од кичевските училишта и основното училиште во село Лисичани, Општина Пласница.