Електричните скутери делумно забранети на Октоберфест
На годинешниот Октоберфест, користењето електрични скутери ќе биде ограничено, поради загриженоста дека возачите можеби ќе одлучат да ги возат и во пијана состојба.
Како што соопштија германските власти вчера, големите огради околу местата на одржување на Октоберфестот, поставени поради автомобилите, ќе се однесуваат и на електроскутерите. Освен тоа, по 17 часот нема да може да се изнајми електроскутер на поширокото подрачје, а ќе бидат одредени и посебни места каде што тие ќе можат да се паркираат.
– Многумина ги сметат електричните скутери за играчки и, за жал, премногу често се случува да ги возат во пијана состојба. Оние кои го прават тоа, се загрозуваат и себеси и другите, а ќе ја загрозат и својата возачка дозвола, предупреди претставникот на локалната власт, Томас Бел.
Тој нагласи дека новите правила мора да се почитуваат.
Октоберфест традиционално се одржува во главниот град на германската покраина Баварија – Минхен, при што има не толку познати имитации и во други делови на Германија. Главниот настан годинава се отвора на 21 септември и ќе трае до 6 октомври.
Ново на Сител
-
Кратово блесна во полн сјај на првата фестивалска вечер од ЗЛАТНИ ДЕНОВИ КРАТОВО 2024 | ФОТО
-
МВР го барала да го уапси, а тој пробал да лета преку аеродромот во Скопје
-
Повреден германски параглајдерист - Летал над Крушево
-
ДКСК: Го следиме именувањето на в.д. директори во државните институции, ќе реагираме ако има неправилности
-
Даути избрана за генерален, а Јајага за организациски секретар на АА
-
Следува период на многу топло време со температури до 40 степени
-
МВР: Постојат основи на сомневање за можниот сторител на убиството во Тетово
-
На Табановце за влез и за излез во земјата се чека половина час