Елејн Дјук: Терористите планираат напад како на 11 септември 2001 година
Министерката за внатрешна безбедност на САД, Елејн Дјук изјави дека екстремистите планираат да извршат терористички напад сличен на оној од 11 септември 2001 година, кога загинаа речиси 3.000 луѓе.
- Исламската држава и другите терористички организации сакаат да направат голема експлозија како онаа од 11 септември. Разузнавачките податоци покажуваат дека тие сакаат да соборат авиони, изјави Дјук во американската амбасада во Лондон.
Според неа, во ИД моментално владее преоден период кога милитантите мора „да обезбедат финансиски токови, да продолжат да се рекламираат, да ја сочуваат бројноста, поради што и изведуваат помали планови".
- Заканата е сé уште тешка, рече Дјук во Лондон по средбата со домашниот секретар Амбер Руд.
Терористи од редовите на Ал Каеда, на 11 септември 2001 година, управувајќи четири киднапирани патнички авиони полни со гориво, удрија во кулите-близначки на Светскиот трговски центар во Њујорк и во зградата на Пентагон близу до Вашингтон.
Ново на Сител
-
Пазарна казни 5 големи ланци на маркети
-
6 пријави за врсничко насилство годинава – Ќе воведат ли властите институционална соработка за справување со оваа појава?
-
Преглед на вестите од светот
-
Пожарот изгасен, обид за кражба во зградата
-
29 години од атентатот врз Kиро Глигоров
-
Тема на денот со Весна Јаневска, министерка за образование и наука
-
Новото раководство на ЕСМ обвинува за хаос во РЕК Битола
-
Тројца загинати во директен судар