Експлозија во Кабул, најмалку 11 загинати
Најмалку 11 лица загинаа, а 25 се повредени во самоубиствен напад во Кабул, насочен против полицајци кои учествувале во операција против шверцери на дрога и алкохол.
Безбедносните сили веднаш пристигнаа на местото на експлозијата, која се случи во близина на Амбасадата на САД и други странски мисии.
Претставник на безбедносните сили потврди дека експлозијата била предизвикана од самоубиствен напад, додека портпаролот на кабулската полиција Басир Муџахид изјави дека загинале најмалку петмина полицајци, а десетмина се повредени.
- Кабулските полициски сили беа распоредени за да спречат евентуален протест поради зајакнатата контрола, кога бомбаш-самоубиец им пријде и го активираше неговиот појас со експлозив, изјави Муџахид.
Локалните медиуми, повикувајќи се на полицајци кои се на местото на настанот, соопштија дека напаѓачот носел полициска или армиска униформа и имал пристап до местото каде се наоѓало обезбедувањето, кое вршело контрола за пронаоѓање шверцувана дрога и алкохол. Засега нема официјална потврда за ова тврдење.
Ново на Сител
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри
-
Норвешка донираше 76 неборбени моторни возила на Македонија
-
Моментно нема индикатори за нов ценовен бран, оценува бизнисот
-
Би-Би-Си на српски: Оствари ли опозицијата недостижна предност пред вториот круг гласање