Експлодирал плински уред во возило - скопјанец однесен на Клиника

Маж се здобил со телесни повреди при пожар кој избувнал во автомобил во Скопје. Според информации на МВР, вчера во 21:10 часот во СВР Скопје, 41-годишниот Љ.П.(41) од село Волково,скопско пријавил дека истиот ден околу 19:30 часот додека се движел по улицата ,,Бутелска’’ со патничко моторно возило марка ,,Застава 128’’ со скопски регистарски ознаки, забележал чад од моторот по што избувнал пламен, кој го зафатил целото возило, а потоа дошло и до експлозија од вграден плински уред во возилото.

Во моментот на експлозијата во близина бил 46-годишниот Г.В. од Скопје кој управувал моторцикл со скопски регистарски ознаки и бил зафатен од пламенот при што се здобил со повреди. Г.В. бил префрлен во комплексот клиники „Мајка Тереза’’ каде од страна на лекар му биле констатирани телесни повреди.. Пожарот бил изгаснат од Бригадата за противпожарна заштита.