„Еко-живот” изврши прихрана на животинскиот свет на неколку локации

Еколошкото друштво „Еко-живот” од Кавадарци изврши прихрана на животинскиот свет на неколку локации. Нивни активисти беа на терен во атарот на селата Дреново и Драдња и кај Тиквешко Езеро.

– Прихранувањето го вршиме со пченица обезбедена од сопствени средства. Таа е храна за помали и поголеми птици, но и за дивеч, глодари, преживари и други. Прихранувањето на птиците и животните е неопходно во зимски услови кога тешко доаѓаат  до храна, појасни претседателот Роберто Паризов.

Тој најави слични акции во наредниот период, до крајот на месец март.