Еко квиз во Кавадарци
Еко квиз во организација на еколошкото друштво „Тисовец” во соработка со „Фени индустри” се спроведе денеска во Кавадарци.
Квизот се организира трета година по ред и во него учествуваат ученици од петтите одделенија.
Градоначалникот на Кавадарци Александар Панов рече дека ако сакаме да имаме почиста животна средина, мора да се гаи едукацијата и да се има високо развиена еколошка свест уште од најмала возраст.
- Децата првин да се натпреваруваат преку знаењата од областа на екологијата, а подоцна тие знаења да ги применуваат во животот. Најдобра инвестиција е секако инвестицијата во образованието. Затоа денес правиме една многу хумана работа, која своите резултати ќе ги има долгорочно, рече Панов.
Зорица Вчкова како претставник од Локална самоуправа, пред присутните во салата на Домот на културата „Иван Мазов Климе” соопшти дека е ова единствен ваков квиз во државата.
- Активностите, методолошкиот пристап и знаењата кои се усвојуваат од учениците, се темелот на програмата на Министерството за образование и наука за едукација за екологија во македонскиот образовен систем, а исто така се постигнуваат целите и се реализираат заложбите граѓаните и Владата на Република Македонија за почиста и побезбедна животна средина, нагласи таа.
Ана Андова, член на тимот за општествена одговорност од „Фени индустри”, во своето обраќање рече дека намерата со овој квиз била да се вложуваат континуирани напори за учество на повеќе општествени субјекти во градењето на концепт за соодветно еколошко и општествено одговорно однесување од најрана возраст.
Претседателот на „Тисовец” Сашко Данов, рече дека вовеле еден подруг вид на едукација преку натпреварување и нагласи дека низ овој квиз досега минале околу 1.100 деца, а преку нив се едуцирале и нивните блиски.
Ново на Сител
-
ДИК донесе заклучок за конечност на резултатите од првиот круг на претседателските избори
-
Бискупот Стојанов упати Велигденска честитка до Архиепископот г.г. Стефан и верниците
-
Пронајдено тело на починат маж во Вардар во Велес
-
Благодатниот оган и оваа година од Ерусалим ќе пристигне во Грција
-
Зеленски: Русија во април употреби 300 ракети, 300 дронови и 3.200 касетни бомби во нападите врз Украина
-
ДСЗИ најави забрана на Клиниката за токсикологија за здравствени работници без договори за вработување
-
Во рамки на акцијата „Темпули“ полицијата во Тирана уапси 20 лица и заплени кокаин, хероин и канабис
-
Приведени 14 државјани на Србија кои измамиле германски државјани за милион евра