Еко Герила: Без Југохром, Тетово помалку загадено
Воздухот во Тетово без Југохром е помалку загаден во значителни количини, затоа барањето на менаџментот за повторно започнување на работата без да ги постави филтрите е неприфатливо и опасно, истакнаа денеска на прес-конференција од невладината организација „Еко Герила“ од Тетово.
Според нив, најновите податоци за загадувањето на воздухот од мерењата коишто се вршат постојано од Министерството за животна средина и просторно планирање покажуваат дека најголема разлика е воочена во Тетово, каде што загадувањето на годишно ниво од просечната вредност 140-150 ПМ10 честичките е намалена прв пат на 97, иако Југохром не работел само четири месеци. Намалување на загаденоста е воочено и во Кичево, каде РЕК Осломеј работел само 40 дена во текот на 2016 година.
- Сакаме да испратиме порака и до Владата дека најважно е здравјето на нашите деца, на идните поколенија, здравјето на стотиците илјади жители на Тетово и околината. Бројот на малигните заболувања во Македонија во последно време достигнува огромен пораст. Ниту еден интерес не е поважен од здравјето на стотиците илјади жители кои се принудени секој ден да вдишуваат 30 тони прашина од Југохром во воздухот, истакна Аријанит Хоџа, претседател на „Еко Герила“.
Од „Еко Герила“ побараа „Југохром“ да не се отвора без целосно поставување на филтрите.
Оттаму најавуваат дека на следните прес-конференции ќе се осврнат и на активностите на локалната власт, која според нив, била неуспешна во борбата против загадувањето и заштитата на животната средина. Како главни проблеми ги посочуваат и претоварната станица на влезот во градот, непостоењето на јавен превоз во општината и затоплувањето на домовите со дрва.
Популарно од Македонија
Ново на Сител
-
Намалени и цените на дел од основните прехранбени производи што не се дел од Новогодишната кошничка, Владата продолжува да ја следи ситуацијата
-
Собранието го донесе Законот за учебници, усвои и повеќе закони од различни сфери
-
Наутро студено и магливо, преку ден сончево
-
Автомобил ја проби блокадата во Белград и удри студент | ВИДЕО
-
Четири возила учествувале во сообраќајната несреќа на патот Куманово-Крива Паланка
-
Врнeжи од снег во Берово, Делчево и на планинскиот превој Плетвар, не се пречка за сообраќајот
-
Кривична за два полицајци - неовластено му го ограничиле движењето на турски државјанин
-
„Росавијација“: Авионот на „Азербејџан ерлајнс“ ја промени рутата поради густа магла и закана од украинските дронови
