Тенис
11. November 2016 - 9:10

ЕКК: Алкалоид сам на првото место

Шахистите на Алкалоид се наоѓаат на првата позиција на Европскиот клупски куп. Во 5.коло Алкалиод забележа победа од 3,5:2,5 против Медни Всадник и со максимални 10 поени се наоѓа на првата позиција. Победи во мечот остварија Дмитри Андрејкин и Јури Криворучко, додека само на првата „табла“ загуби Динг Лирен. Реми партиите ги завршија Павел Елијанов, Дмитри Јаковенко и Јангји Ју.
Вториот македонски претставник Гамбит Асеко загуби со 1:5 од тимот на Свети Николај Српски.
Алкалоид е прв со 10 поени, а Гамбит Асеко се наоѓа на 29.место со 5 поени.
Денеска во рамките на 6.коло е дуелот на две од трите непоразени екипи воедно и меч кој може да донесе и шампионска титула. Алкалоид игра против Сибир, додека Гамбит Асеко игра против Шахфрунде од Берлин.