ЕК: Постојаните гранични контроли би чинеле од пет до 18 милијарди евра годишно

Европската комисија проценува дека повторното воведување на постојани контроли на границите во Шенген зоната би можело да чини од пет до 18 милијарди евра годишно.

Некои држави во ЕУ, вклучувајќи ја и Германија, времено ги зајакнаа граничните контроли поради големиот прилив на бегалци и мигранти кои бараат азил во оваа земја, бегајќи од војна и сиромаштија.

Во соопштението на ЕК се наведува дека тоа би влијаело на поскапување на патниот сообраќај, на одложување и контрола на повеќе од милијарда прекугранични патувања секоја година, како и на административни и царински трошоци.

Проценката на трошоците не го опфатила влијанието врз туризмот, обемот на трговија, промените во производството и евентуалното слабеење на заедничкиот визен систем во ЕУ.