ЕК има цел годинава да го обнови нормалното функционирање на Шенген
Европската комисија очекува во текот на оваа година да го возобнови нормалното функционирање на Шенгенскиот простор, изјави на прес конференција заменик претседателот на Европската комисија, Франс Тимерманс, по завршувањето на првото годинешно заседание на еврокомесарите.
Тој ги повика државите од ЕУ да направат повеќе за постигнување на заедничките цели во областа на миграцијата и распределбата на бегалците. Според него, до крајот на годината ЕК ќе предложи нова шема за раселување на бегалците, како и за начините за пресекување на активностите на шверцерите. Исто така, се предвидуваат и промени во договорот од Даблин, што веќе се оценува за неприменлив.
По повод посетата на Анкара, претходно неделава, Тимерманс изрази поддршка за намерата на турските власти да воведат влезни визи за сириските државјани. Тој, исто така, ја поддржа идејата на Турција за воведување работни визи за Сиријците, бидејќи на тој начин тие ќе се стимулираат да не заминуваат за Европа.
Тимерманс денеска информира дека ЕК досега на Грција и доделила 1,36 милиона евра за обезбедување на дополнителни машини за снимање на отпечатоците од прсти од мигрантите кои влегуваат во ЕУ.
ЕК е на мислење дека е неопходно забрзување на работата за протерување на оние мигранти кои немаат право да добијат статус на меѓународна поддршка.
Ново на Сител
-
Автобус падна во длабока провалија во Пакистан, најмалку 20 загинати и 21 повреден
-
СПМ: Гласањето на 8 мај е пресудно за иднината на државата
-
Приведени двајца дилери од Кичево
-
Приведена 50-годишна жена за кражба во продавница во Гостивар
-
Вархеји му честиташе на Вучевиќ: Се радувам на соработката за пристапување на Србија во ЕУ
-
Белград: Годишнина од масовното убиство во „Рибникар“ | ВИДЕО
-
Подољак: Да се усвои единствена одлука за враќање на воено способни мажи во Украина
-
Реакција на осигурителните компании на одлуката да се врати старата цена за авто одговорноста