ЕК бара од косовската Влада да ја намали бројката од 74 заменици министри
Европската комисија побарала од Владата на Косово да постави ограничување за бројот на заменици министри, или со нацрт-законот за функционирањето на државната администрација и независните агенции, или со оној за Владата, објави денеска „Коха Диторе“.
Повикот произлегол од заедничките заклучоци на Посебната група за реформи во јавната администрација, објавени во вторникот, по средбата одржана на крајот на април, јави дописникот на МИА од Приштина.
Европската комисија нагласува дека политичкото влијание при именувањето и разрешувањето продолжува да претставува загрижувачки проблем.
- Страните се согласни дека правилникот за именување високи цивилни службеници треба да се преразгледа веднаш со помошта на експерти, со цел да се обезбеди целосно почитување на принципот на заслуги и да се усвои од Владата до 17 септември 2018 година, се вели во заклучокот.
Владата на Рамуш Харадинај има вкупно 74 заменици министри, односно по пет, па и повеќе заменици во едно министерство.
Ново на Сител
-
Тема на денот со Димитар Ковачевски, претседател на СДСМ
-
Годишнина од заседата кај Ваксинце
-
Христијаните го празнуваат Велики петок
-
Обичаи и верувања за Велики петок
-
Дали и кој ќе им ги врати парите на граѓаните кои платија поскапо осигурување за регистрација на возилата?
-
Дали Токсикологија е одраз на функционирањето на здравствениот систем?
-
Македонија на 36-то место на индексот за слобода на медиумите за 2024 година на „Репортери без граница“
-
Тивок бојкот или уште поголема излезност? Мицкоски уверува дека цензусот за Силјановска е обезбеден