Едукативнo-интерактивна работилница „Консумирај безбедна храна, добиј половина здравје“

Во организација на Домот на културата „Кочо Рацин“ – Скопје денеска ќе се одржи едукативнo-интерактивна работилница на тема „Консумирај безбедна храна, добиј половина здравје“. Едукатор и предавач на работилницата ќе биде Моника Стојанова, магистер во областа квалитет и безбедност на храна.

 

Целта на ова предавање, како што велат организаторите, е да се запознаат и едуцираат младите во правилниот избор на храната, колку внимаваме на безбедноста на производите кои секојдневно ги консумираме? Што значи безбеден производ и како да го препознаеме? Кои се најчестите грешки кои ги правиме при подготвувањето на нашите оброци со што ја загрозуваме нивната безбедност? Кои се најчестите митови и вистини кога се говори за бебедноста на храната? Кои се придобивките од консумирањето безбедни производи и како храната која навидум изгледа одлично и вкусно може да го наруши нашето здравје?

 

Ова е прва, од циклусот работилници кои во периодот што следува ќе бидат организирани на тема квалитетна и безбедна храна за сите потрошувачи.