Едукативна „е-твининг“ работилница за професионаелн развој во Охрид
Стотина наставници и професори од основни и средни училишта од 12 држави од регионот и континентот учествуваат на првата европска „е-твининг“ работилница што во организација на Националната агенција за европски образовни програми и мобилност и во соработка со Министерството за образование на Република Турција од денеска се одржува во Охрид.
Директорот на Националната агенција за европски образовни програми и мобилност Дарко Димитров истакна дека собирот во Охрид претставува исклучителна можност за размена на добри искуства и практики во областа на употребата на информатичките технологии и нивна интеграција во курикулумите, како и во наставните програми и методи во образованието.
- Учесниците на работилницата наредните три дена ќе разработуваат нови иновативни методи за користење на ИКТ технолгиите во самата настава, што произлегуваат од „е-твининг“ мрежата на ЕУ, а овозможува соработка и комуникација, како меѓу наставниците така и меѓу учениците, во насока на создавање проекти кои подоцна би можеле да бидат имплицирани во програмата „Еразмус плус“, истакна Димитров.
Тој појасни дека имајќи предвид оти се работи за интеграција на нови практики во наставата, заклучоците и споделените искуства на собирот во Охрид можат апликабилно да се применат и во наставните методи на сите професори поединечно, а особено кај наставниот кадар по информатика.
- Заклучоците од овој семинар за професионален развој на наставниците ќе бидат исклучително важни како за нашиот образовен систем така и за другите држави што партиципираат во работата на собирот, рече тој.
Практично, сите наставници на соодветен начин можат да се вмрежат со нивните колеги и преку соработка да креираат модели и методологии за користење на современите технологии во нивните предавања.
Во рамки на агендата на работилницата во Охрид ќе се одржат четири одвоени сесии, посветени на информатичките технологии и образованието, практични веб-алатки за соработка, настава преку игра и вештините на информатичките технологии во 21 век.
Ново на Сител
-
Црвен Крст: Апел за помош за настраданото население од поплавите во Босна и Херцеговина
-
Скопје: Со возило полно мигранти бегал од полиција, па удрил во бетонски столб
-
Посебен режим на сообраќај во понеделник во Скопје
-
Трагедија во Гостивар - Почина 6-годишно дете, откако му се слошило на тренинг
-
Мицкоски: Целосно се реконструира граничниот премин Деве Баир, дел од Коридорот 8
-
Царинската управа запленила 36 килограми марихуана и голема количина лекови
-
Едно лица загина во сообраќајна несреќа на патот Струмица-Валандово, кај село Костурино
-
Мицкоски: Унгарскиот претседател Орбан понудата ја даде во име на претседателствувањето со ЕУ