Едно лице застрелано во Струга

Едно лице почина денеска во Струга, откако врз него беше пукано со огнено оружје од возило во движење. 

- Денеска околу 13.15 часот на улицата „Маркс и Енгелс“ од возило во движење, марка „Голф“ било пукано врз жител на Струга, роден 1973 година, изјави за МИА портпаролот на СВР Охрид Стефан Димоски. 

Повредениот бил префрлен во Струшката болница каде им подлегнал на повредите. Дел од медиумите објавуват дека застреланиот е Аргетим Асани, заменик директорот на УЈП и член на ДУИ. 

Полицијата под раководство на Јавен обвинител врши увид на местото и се преземаат мерки за пронаоѓање на возилото.