Едно лице спасено од голем пожар кај село Дражево
Едно лице е спасено од големиот шумски пожар кој избувна попладнево околу 13.00 часот во близина на селото Дражево, општина Ново Село, изјави за МИА командирот на ТППЕ Струмица, Александар Гудев.
Според него, се работи за повозрасно лице кое најверојатно се движело на местото на избувнувањето на пожарот. Пожарникарите го пронашле во несвесна состојба и по укажаната помош е однесен на преглед, но е надвор од животна опасност.
– Пожарот кај селото Дражево се шири со голема брзина и зафати поголема површина. Поради опасност од запалување исклучена е електричната енергија од далноводот кој поминува тука. Ги преземаме сите мерки да не се прошири, рече командирот на ТППЕ Струмица, Александар Гудев.
Истовремено со овој пожар се запали и депонијата „Шапкар“ кај селото Добрашинци, на која се одложува отпадот од општините Струмица и Василево. Со интервенција на пожарникарски возила од Струмица и Радовиш, како и со цистерни на ЈПКД „Комуналец“ пожарот е изгаснат.
Во Струмичко активен е и пожарот на планината Готен, кој гори дваесетина денови и од вчера се прошири кај поранешното село Кушкулија, општина Василево.
Популарно од Македонија
Ново на Сител
-
Фицо ги исмева барањата на Киев за дополнителни средства
-
Maкедонија за првпат ангажира воздухоплов за гасење пожар надвор од територијата на државата
-
Лукровски: Карпош, ова беше наше лето, над 20 000 посетители на програмските содржини
-
Трамп: САД ќе побараат од Европа да ги надомести трошоците за воената помош за Украина
-
АХВ: Потврдени три позитивни случаи на вирусот на Западнонилска треска кај угинати гаврани
-
Путин: Русија има доволно војници и нема потреба од нова мобилизација
-
„Ги броевме нејзините грамови како најголемо богатство“ - по 82 дена во болница, малата Бисера си оди дома
-
Важно за концертот на Дејвид Гета во Скопје: Билетите се заменуваат со нараквици, еве кога и каде
