Еден загинат во сообраќајна незгода на патот Кичево - Гостивар
Едно лице загина во сообраќајна незгода што се случи на магистралниот пат Кичево - Гостивар во близина на селата Колибри и Длапкин Дол.
Полицијата соопшти дека несреќата се случила вчера во 14:25 часот, а од здобиените повреди во Општата болница во Гостивар починал Шеза Ј.(76) од селото Колибари.
Сообраќајната незгода се случила кога Шеза Ј. управувајќи патничко возило „мерцедес“ сакал од локалниот пат од селото Колибари да се вклучи на магистралниот пат Кичево-Гостивар, а од левата страна на неговото возило, удрил патнички автомобил „ауди“ кој се движел кон Кичево. Возилото го управувал К.А. (22), а сопатници биле Н.А. (45) и А.А.(43), сите од кичевското село Премка. Тројцата биле пренесени во Општата болница во Кичево каде им биле констатирани лесни телесни повреди.
На местото на несреќата извршен е увид во присуство на јавен обвинител и полициски екипи од полициската станица за безбедност во патниот сообраќај во Кичево.
По наредба на јавен обвинител, врз телото на починатиот денеска ќе биде извршена обдукција и дополнително вештачење врз возилата.
Ново на Сител
-
Пожар зафати објект во росоманско Крушевица
-
Франција пред политичка неизвесност откако ниту една политичка опција не доби апсолутно мнозинство
-
Еврото падна поради изборите во Франција
-
ДКСК ќе одржи седница
-
Владината делегација ќе учествуваат на Самитот на НАТО во Вашингтон, ќе остварат бројни средби
-
Земјотрес со интензитет од 3,2 степени според Рихтер реистриран во подрачјето на Охрид
-
На граничните премини Табановце и Богородица за влез и излез од државава се чека 15 минути
-
Српската полиција уапси седуммина активисти на здружението „Не го даваме Јадар“