Еден од повредените работници во Макстил на КАРИЛ, тројца на домашно лекување
Еден од четворицата повредени работници во несреќата што се случи изутрина во фабриката „Макстил“ во Скопје е згрижен на Клиниката за анестезија, реанимација и интензивно лекување КАРИЛ и е во стабилна состојба, а другите тројца се пуштени на домашно лекување. Од истекување течен метал во челичаната избувнал пожар, кој е изгаснат, а на терен постапува Државниот трудов инспекторат, информираа надлежните институции.
-Во СВР Скопје во 07:53 часот е пријавено дека во Комплекс клиники „Мајка Тереза“ се донесени Н.Н.(45), Е.В.(27), С.С.(48), сите од Скопје и Б.М.(35) од скопско, кои се здобиле со повреди на работно место, во „Макстил“. Од четворицата повредени, еден е потешко повреден и е згрижен на КАРИЛ, а другите тројца се пуштени на домашно лекување, информираа за МИА од Министерството за внатрешни работи.
Во гаснењето на пожарот интервенирале 12 пожарникари од Единицата за противпожарна заштита на град Скопје.
– Во седум часот е примена дојава од Макстил за истекување течен метал од челичаната. Интервенирано е со четири возила и 12 пожарникари. Интервенцијата заврши во 8: 40 часот, изјави за МИА командантот на Единицата за противпожарна заштита на град Скопје Владимир Симоновски.
Од МВР истакнуваат дека се преземаат мерки за расчистување на случајот.
Популарно од Македонија
Ново на Сител
-
Средба на Сиљановска-Давкова со претставнички на здружението „До бебе по патот на ин витро“
-
Акција „Чистач“: Уапсени 5.628 лица, 1.158 претреси во борбата против насилниот криминал, трговија со дрога и прекуграничниот криминал
-
Стопанската комора предлага 13 неработни денови и укинување на префрлањето на празниците што паѓаат во недела
-
Мицкоски: Остануваме држава со најниска цена на дизел горивото и на безоловниот бензин
-
Мицкоски: Оваа Влада ги завршува проектите што биле закочени со децении, а ако опозицијата иницира предвремени избори, ќе дадеме соодветен одговор
-
Онкологија: Вештак на одбраната тврди дозирањето и третманот на онколошки пациенти е согласно европски протоколи, Обвинителството ги оспорува заклучоците
-
Пуштена во употреба новата детска градинка во Теарце, 147 деца ќе бидат згрижени
-
До четврток сончево и топло, од петок променливо облачно со пообилни врнежи
