Еден месец карантин ја чини Грција околу три милијарди евра
Еден месец „lockdown“ чини околу три милијарди евра, а можеби и повеќе, рече портпаролот на грчката Влада Христос Тарандилис, објаснувајќи дека сите одлуки што ќе се донесат за одново отворање на малопродажбата во земјата ќе бидат врз основа на препораките од надлежната Комисија на епидемиолози, јави дописничката на МИА од Атина.
Грција веќе над два месеци е во карантин, а со исклучок на периодот пред и за време на празниците кога на две седмици беа отворени фризерските салони, берберниците, книжарниците и центрите за техничка проверка на возила и продавниците само за услугата за подигање на претходно направена нарачка, сè друго е затворено од 7 ноември 2020 година.
Во текот на денешниот ден, надлежната комисија ќе одржи состанок, ќе ги разгледа епидемиолошките податоци за евентуално олабавување на мерките и повторно отворање на продавниците, но само за подигање на нарачка („click away“) и посета на продавница по претходно закажан термин („click in shop“).
Конечните одлуки на Владата ќе бидат соопштени попладнево на редовната прес конференција за ситуацијата со Ковид-19 во земјата.
Од почетокот на пандемијата во Грција се регистрирани 147.283 случаи на Ковид-19, а починаа 5.387 лица.
Досега, од 27 декември 2020 година, заклучно со вчера попладне, биле вакцинирани 70.698 лица.
Ново на Сител
-
Си пред посетата на Србија го критикуваше НАТО за бомбардирањето на Белград во 1999 година
-
ЕУ одобри шест милијарди евра за Балканот, Рама: Историски момент, кој внесува нов импулс во процесот на проширување
-
Девизните резерви во април зголемени за 41,9 милиони евра
-
Анонимна пријава за случаи со поткуп од политичка партија во Кичево
-
Во Делчево денеска гласаат 222 болни и изнемоштени лица за претседателските и парламентарните избори
-
Советот на ЕУ го усвои првиот закон за борба против насилство врз жените
-
И во Шпанија студентите подготвуваат протести против Израел
-
Претреси во Охрид поради фотографирање избирачки список и гласачки ливчиња