Џонсон ги отфрли критиките поради спроведување локални мерки за коронавирусот
Британскиот премиер Борис Џонсон денеска ги отфрли критиките поради плановите на Владата за спроведување локални рестриктивни мерки доколку се појават нови жаришта на коронавирусот и апликацијата за следење на ширењето на вирусот.
Опозицискиот лидер, лабуристот Кеир Стармер изјави дека двата система сè уште не се подготвени и дека Англија треба да ги олесни мерките воведени против ширењето на коронавирусот на 4 јули.
Џонсон одговори дека Велика Британија има многу ефикасна апликација која е осмислена за да обезбеди дека жариштата се држат под контрола.
– Не сакам да се преправам … дека оваа работа е победена или дека вирусот го нема … Ние треба да останеме будни и да ги поддржуваме локалните совети во извршувањето на нивната витална работа за спроведување локални рестриктивни мерки, рече Џонсон, повикувајќи го Стармер да најде друга земја која има функционална апликација за следење.
Портпаролот на Стармер посочи на Германија, каде голем број луѓе ја преземале апликацијата и голем број земји кои се пред Велика Британија во однос на развивање на нивните апликации, како Сингапур и Јужна Кореја.
Ново на Сител
-
Пожари на диви депонии во Желино и Боговиње
-
Приведен дилер во Охрид, пронајдена дрога
-
Вучиќ-О'Брајан: Различни ставови по прашањата за Косово и Сребреница
-
Шест деца и тројца возрасни загинаа во израелски напад во Рафа
-
Во вторник предизборен молк
-
СПМ поднесе кривична против поранешниот министер за внатрешни работи и други три лица за несовесно работење
-
Бојмацалиев: Над 100.000 граѓани ги чекаат личните документи пробиен е законски рок
-
Гласаат членовите на ИО кои заминуваат во странство заради спроведување на претседателските избори во дијаспората