Џеф Безос е првиот човек во историјата со богатство од повеќе од 200 милијарди долари
Сопственикот на компанијата „Амазон“, Џеф Безос е првиот човек во историјата со богатство од повеќе од 200 милијарди долари.
Според индексот на милијардери на „Блумберг“, Безос сега има 202 милијарди американски долари, што го прави 78 милијарди долари побогат од Бил Гејтс, ко-основач на „Мајкрософт“ и втор на листата на најбогати луѓе во светот.
Богатството на Џеф Безос во најголем дел се должи на уделот во акциите на компанијата, чија цена постојано растеше во изминатите години, особено во последните две години, пренесува „Блумберг“.
Во 2018 година, тој стана најбогат човек во современата историја, а неговото богатство тогаш се проценуваше на 150 милијарди долари.
Акциите на „Амазон“ достигнаа највисоко ниво на финансискиот пазар во април годинава, кога компанијата заработи стотици милијарди долари, а инвеститорите остварија профит од 86 проценти на инвестиции во компанијата на Безос.
„Амазон“ вреди 1,7 илјади милијарди американски долари и стана втората највредна американска компанија по „Ејпл“.
Ново на Сител
-
Министерот се премисли: Основците нема да одат на училиште во сабота
-
Агресијата кај учениците е резултат на целокупната состојба во државата
-
ВО ЖИВО: Нема настава во сабота
-
Тема на денот со претседателот на ДИК, Александар Даштевски
-
ССК: Кога среда е неработен ден, сте ја изгубиле цела недела
-
Во Југоистокот на државата запишани 1547 болни и изнемоштени лица
-
ВО ЖИВО: Подготовки во ДИК
-
Гласање во затвор „Идризово“, запишани 887 избирачи