Џафари: Прекин на огнот треба да има во цела Сирија, освен на териториите каде дејствуваат терористите
Режимот за прекин на огнот во Сирија треба да биде воспоставен во целата земја, со исклучок на териториите каде дејствуваат терористички групи, како што се Исламска држава и „Џебхат Фатах аш Шам“, изјави за време на преговорите во Астана шефот на сириската владина делегација Башар Џафари, кој е постојан претставник на Дамаск во ОН.
Тој истакна дека истото треба да важи и за други групи, кои не се приклучиле кон договорот за прекин на огнот во Сирија.
Преговорите во Асатана се водат зад затворени врати. На нив не се предвидени директни разговори меѓу делегациите на сириската Влада и опозиција, иако тие седнаа на заедничка маса.
Казахстанскиот министер за надворешни работи Каират Абдрахманов ги повика денеска учесниците во преговорите да постигнат напредок во решавањето на сирискиот конфликт.
Претседателот на Казахстан, Нурсултан Назарбаев, пак, истакна дека средбата во Астана е одличен пример за напорите на меѓународната заедница да се најде решение за сириската криза.
Ново на Сител
-
Дарко Каевски тврди дека не е виновен
-
Турција ја одобри екстрадицијата на Љупчо Палевски-Палчо
-
Мицкоски: Очекувам ДУИ да оди во опозиција, немаме ни елементарна доверба за соработка со нив
-
Ново бебе алпака во скопската Зоолошка градина
-
Вучиќ: Една третина од новата српска влада ќе биде составена од нови луѓе
-
Осигурителните компании не ја почитуваат препораката на Финансии, полисите и денеска по повисоки цени
-
Следува период на променливо време со повремени локални врнежи од дожд
-
РКЕ: Само 2,75 отсто од струјата е од увоз, на праг сме до енергетски независна држава